2008-يىلى ئوقۇغۇچى قوبۇل قىلىدىغان كەسىپلەر

كەسىپلەرنىڭ تونۇشتۇرۇلىشى

ئىنگلىز تىلى كەسپى
تولۇق كۇرس (بېنكې): ئوقۇش مۇددىتى بەش يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۈەن): ئوقۇش مۇددىتى ئۈچ يىل (بىر يىل خەنزۇ تىلى تەييارلىق ئوقۇيدۇ)، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسى دەرسلەر: ئۇنىۋېرسال ئىنگلىز تىلى (1-، 2-، 3-، 4-قىسم)؛ ئىنگلىز تىلى ئوقۇشلۇقى (1-، 2-قىسىم)؛ ئىنگلىز تىلى دۆلەتلىرىنىڭ ئومۇمىي ئەھۋالى؛ ئىنگلىز تىلى گرامماتىكىسى؛ ئىنگلىز تىلى يېزىقچىلىق ئاساسلىرى؛ ئىنگلىزچە ئاڭلاش؛ ئىنگلىزچە سۆزلىشىش؛ يېڭى ئۇقۇم ئىنگلىز تىلى (1-، 2-، 3-، 4-قىسم)؛ خەنزۇ تىلىدىن ئاساس؛ كومپيۇتېر قوللىنىش تېخنىكىسى قاتارلىق پەنلەر ئۆتىلىدۇ. (مەخسۇس كۇرس جەمئىي 12 پەن، تولۇق كۇرس 23 پەن)
ئوقۇتۇش ئۇسۇلى: ئىنىستىتۇتىمىزدىكى ئىنگلىز تىلى كەسپى ئوقۇتۇشىدا سۆزلىشىشنى، گرامماتىكا ئۆگىنىشنى، سۆزلۈك ۋە تەلەپپۇز قىلىشنى، تولۇق تېكىستلەرنى ئوقۇتۇشنى ئاساس قىلىش، كىچىك جۈملىلەرنى ئۆگىتىشنى قوشۇمچە قىلىش، ئىقتىدار يېتىلدۈرۈشنى ئاساس، نەزەرىيە ئوقۇتۇشىنى قوشۇمچە قىلىش پرىنسىپ قىلىنغان بولۇپ، ئىنىستىتۇتىمىزنىڭ ئالاھىدىلىككە ئىگە بولغان نۇقتىلىق كەسپ. بۇكەسىپتە ئىنگلىز تىلى ئاڭلاش، سۆزلەش، ئوقۇش، يېزىش تەرجىمە قىلىش، قاتارلىق جەھەتلەدە ئەتىراپلىق تەربىيلىنىپ مۇكەممەل ئىنگلىز تىلى ئاساسى بولغان، ئەتراپلىق مەدەنىيەت بىلىملىرىگە ئىگە كەسپىي ئىنگلىز تىلى خادىمى بولۇپ يېتىشىپ چىقالايدۇ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن تاشقى سودا، ئوقۇتقۇچى، تەرجىمانلىق، ساياھەت يېتەكچى قاتارلىق كەسىپلەرنى ئىشلەشكە ياكى چەتئەلگە چىقىپ ئوقۇشقا، ئىگىلىك تىكلەشكە ماس كېلىدۇ.

خەنزۇ تىلى تەرجىمانلىق كەسپى
تولۇق كۇرس (بېنكى): ئوقۇش مۇددىتى تۆت يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۈەن): ئوقۇش مۇددىتى ئىككى يىل، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسى دەرسلەر: خەنزۇ تىلىدىن ئاساس (1-، 2-، 3-قىسم)، خەنزۇ تىلى ئوقۇشلۇقى (1-، 2-، 3-، 4-قىسم) خەنزۇ تىلى گرامماتىكىسى، تەرجىمە نەزەرىيىسى، خەنزۇچە ئەمەلىي قوللىنىدىغان يېزىقچىلىق، تىلشۇناسلىقتىن ئومۇمىي بايان، لوگىكا، خەنزۇ تىلى ئەدەبىياتىدىن تاللانمىلار، ژانىر تەرجىمىسى، خەنزۇ تىلى ئوقۇپ چۈشىنىش دەرىسلىكى، خەنزۇچە ئاڭلاش ۋە سۆزلەش، ئىنگلىز تىلى، كومپيۇتېر قوللىنىش تېخنىكىسى، جەمئىيەتشۇناسلىق، قاتارلىق پەنلەر ئۆتىلىدۇ. (مەخسۇس كۇرس جەمئىي 12 پەن، تولۇق كۇرس جەمئىي 21 پەن)
ئوقۇتۇش ئۇسۇلى: بۇ كەسىپتە ئوقۇغۇچىلار خەنزۇ تىلى ئاڭلاش، سۆزلەش، ئوقۇش، يېزىش، تەرجىمە قىلىش قاتارلىق جەھەتلەردە ئەتراپلىق تەربىيىلىنىپ، مۇكەممەل خەنزۇ تىلى ئاساسى بولغان، ئەتراپلىق مەدەنىيەت بىلىملىرىگە ئىگە كەسپىي خەنزۇ تىلى خادىمى بولۇپ يېتىشىپ چىقالايدۇ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن ئوقۇتقۇچى، تەرجىمان، كاتىپ، ھۆكۈمەت خادىمى قاتارلىق كەسپلەردە ئىشلەشكە، شۇنداقلا ئۆز ئالدىغا ئىگىلىك تىكلەشكە ماس كېلىدۇ.

روس تىلى كەسپى
تولۇق كۇرس (بېنكې): ئوقۇش مۇددىتى بەش يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۈەن): ئوقۇش مۇددىتى ئۈچ يىل (بىر يىل خەنزۇ تىلى تەييارلىق ئوقۇيدۇ)، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسىي دەرسلەر: روس تىلىدىن ئاساس (1-قىسىم)، روس تىلىدىن ئاساس (2-قىسىم)، روس تىلى گرامماتكىسى، روسىيە ۋە ئوتتۇرا ئاسىيا دۆلەتلىرىنىڭ ئومۇمىي ئەھۋالى، روس تىلى ئاڭلاش ۋە سۆزلەش دەرسلىكى، روس تىلى ئوقۇشلۇقى، تاشقى ئىشلار روس تىلى، روس تىلى تەرجىمانلىق، سودا روس تىلى قاتارلىق پەنلەرنى ئوقۇيدۇ. (مەخسۇس كۇرس 11 پەن، تولۇق كۇرس 21 پەن)
ئوقۇتۇش ئۇسۇلى: بۇكەسىپتە ئوقۇغۇچىلار روس تىلى ئاڭلاش، سۆزلەش، ئوقۇش، يېزىش، تەرجىمە قىلىش قاتارلىق جەھەتلەردە ئەتراپلىق تەربىيىلىنىپ مۇكەممەل روس تىلى ئاساسى بولغان، ئەتراپلىق مەدەنىيەت بىلىملىرىگە ئىگە كەسپىي روس تىلى خادىمى بولۇپ يېتىشىپ چىقالايدۇ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن، تاموژنا، پۇل مۇئامىلە، تاشقى ئىشلار، تاشقى سودا، تەرجىمان، كاتىپ، ھۆكۈمەت خادىمى قاتارلىق كەسپلەردە ئىشلەشكە شۇنداقلا ئۆز ئالدىغا ئىگىلىك تىكلەشكە ماس كېلىدۇ.

كومپيۇتېردا ئۇچۇر باشقۇرۇش كەسپى
تولۇق كۇرس (بېنكې): ئوقۇش مۇددىتى بەش يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۇەن): ئوقۇش مۇددىتى ئۈچ يىل (بىر يىل خەنزۇ تىلى تەييارلىق ئوقۇيدۇ)، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسى دەرسلەر: كومپيۇتېر قوللىنىش تېخنىكىسى، كومپيۇتېر قائىدىلىرى، بۇغالتىرلىق ئاساسى ئىلمى، تەشكىلات باشقۇرۇش قائىدىلىرى، ئۇچۇر باشقۇرۇش سىستېمىسى، خەنزۇ تىلىدىن ئاساس، مالىيە ئىشلىرىنى باشقۇرۇش ئىلمىي، ئالىي ماتېماتىكا، ئالىي تىل بىلەن پروگرامما لاھىيىلەش، ئىشخانىنى ئاپتوماتلاشتۇرۇش قائىدىلىرى، سانلىق مەلۇمات ئامبىرى ۋە ئۇنى قوللىنىش قاتارلىق پەنلەر ئـۆتۈلىدۇ ۋە كومپيۇتېر قوللىنىش تېخنىكىسى، ئالىي تىل بىلەن پروگرامما لاھىيلەش، ئىشخانىنى ئاپتوماتلاشتۇرۇش قائىدىلىرى، سانلىق مەلۇمات ئامبىرى قاتارلىق بەش پەندىن كومپيۇتېر ئەمەلىي مەشغۇلات ئىقتىدارىنى سىناش ئىمتىھانى ئېلىنىدۇ. (مەخسۇس كۇرس جەمئىي 20 پەن)
ئوقۇتۇش ئۇسۇلى: بۇ كەسىپ جەمئىيەتكە ئېھتىياجلىق بولغان بازارلىق كەسىپ بولۇپ، بۇ كەسىپتە ئوقۇغانلارنىڭ ئىشقا ئورۇنلىشىشى ۋە ئىگىلىك تىكلىشى بىر قەدەر ئاسان. بۇ كەسىپ ئىقتىساد ئىلمى ۋە كومپيۇتېر ئىلمى بىرلەشتۈرۈلگەن ھەم زامانىۋى ئىقتىساد باشقۇرۇش نەزىرىيىۋى بىلىمگە ئىگە ھەم كومپيۇتېردا ئۇچۇر باشقۇرۇش، تۈرلەرنى تەتقىق قىلىش ئىقتىدارىغا ئىگە ئالىي دەرىجىلىك تېخنىك خادىملارنى يېتىشتۈرۈپ چىقىشنى مەقسەت قىلىدىغان كەسىپ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن ئورگانلاردا، كەسپىي ئورۇنلاردا ئۇچۇرلاشتۇرۇش ۋە كومپيۇتېردا ئۇچۇر باشقۇرۇش ئىشلىرى بىلەن شۇغۇللىنىشقا، ئوقۇتقۇچى، شىركەت خادىمى، يۇمشاق دېتال لاھىيلىگۈچى قاتارلىق كەسىپلەرنى ئىشلەشكە ۋە ئىگىلىك تىكلەشكە ماس كېلىدۇ.

قانۇن كەسپى
تولۇق كۇرس (بېنكى): ئوقۇش مۇددىتى تۆت يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۈەن): ئوقۇش مۇددىتى ئىككى يىل، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسلىق دەرسلەر: قانۇن نەزەرىيسى ئىلمى، جۇڭگو قانۇن تۈزۈم تارىخى، ئاساسى قانۇنشۇناسلىق، جىنايى ئىشلار قانۇنشۇناسلىقى، ھەق تەلەپ قانۇنشۇناسلىقى، جىنايى ئىشلار دەۋا قانۇنشۇناسلىقى، ھەق تەلەپ دەۋا قانۇنشۇناسلىقى، مەمۇرىي قانۇنشۇناسلىق، مەمۇرىي دەۋا قانۇنى، ئىقتىسادى قانۇن، خەلقئارا قانۇن، توختام قانۇنى، ئەمگەك قانۇنى، مۇھىت ۋە بايلىقلارنى قوغداش قانۇنى، ئەقلى − مۈلۈك ھوقۇقى قانۇنى، خەلقئارا خۇسۇسىي قانۇن، شىركەت قانۇنى، ئائىلە ۋە نىكاھ قانۇنى، باج قانۇنى قاتارلىقلار. (مەخسۇس كۇرس جەمئىي 13 پەن، تولۇق كۇرس جەمئىي 27 پەن)
ئوقۇتۇش ئۇسۇلى: بۇ كەسىپ مۇكەممەل قانۇن ئاساسىي نەزىرىيىسىنى ئىگىلىگەن، قانۇن بىلىملىرىنى ۋە دېلو مىساللىرىنى ئەتراپلىق تەھلىل قىلالايدىغان، ھۆكۈمەت ئورگانلىرى، سىياسىي قانۇن تارماقلىرى، قانۇن مۇلازىمەت ئورۇنلىرىدا ئىشلىيەلەيدىغان، كارخانا ئورۇنلارنىڭ قانۇن ۋاكالەتچىسى قاتارلىق ۋەزىپىلەرنىڭ ھۆددىسىدىن چىقالايدىغان يۇقىرى دەرىجىلىك كەسپى خادىملارنى تەربىيىلەپ چىقىشنى مەقسەت قىلىدۇ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن ئادۋوكات، كارخانا ئىشلىرى مەسلىھەتچىسى، سوت، تەپتىش، خەلق ساقچىسى ۋە ئامانلىق باشقۇرۇش خادىمى ۋە مائارىپ ساھەسى قاتارلىق ئورۇنلاردا ئىشلەشكە ماس كېلىدۇ.

باشلانغۇچ مەكتەپ مائارىپ كەسپى
تولۇق كۇرس (بېنكى): ئوقۇش مۇددىتى بەش يىل، پۈتۈن كۈنلۈك تۈزۈم بويىچە دەرس ئۆتۈلىدۇ. مەخسۇس كۇرس (داجۈەن): ئوقۇش مۇددىتى ئۈچ يىل (بىر يىل خەنزۇ تىلى تەييارلىق ئوقۇيدۇ)، پۈتۈن كۈنلۈك تۈزۈم بويىچە دەرس ئۆتۈلىدۇ. ئۆتۈلىدىغان ئاساسلىق دەرسلەر: مائارىپ قائىدىلرى، باشلانغۇچ مەكتەپ مائارىپ ئىلمىي-تەتقىقاتى، پەن-تېخنىكا، جەمئىيەت، كومپيۇتېر قوللىنىش ئاساسلىرى، ھازىرقى زامان ئۇيغۇر تىلى، خەنزۇ تىلىدىن ئاساس، باشلانغۇچ مەكتەپ تىل-ئەدەبىيات ئوقۇتۇش نەزەرىيىسى، باشلانغۇچ مەكتەپ مائارىپ پىسخولوگىيىسى، باشلانغۇچ مەكتەپ ماتېماتىكا ئوقۇتۇش نەزەرىيسى، باشلانغۇچ مەكتەپ ئىلىم-پەن تەربىيىسى، باشلانغۇچ مەكتەپ سىنىپ مەسئۇلى، ئىنگلىز تىلى، كومپيۇتېر قوللىنىش تېخنىكىسى قاتارلىقلار. (مەخسۇس كۇرس جەمئىي 16 پەن،تولۇق كۇرس 30 پەن)
ئوقۇتۇش ئۇسۇلى: بۇ كەسىپتە ئەخلاقى، ئەقلىي، جىسمانىي گۈزەللىك قاتارلىق جەھەتلەردىن ئومۇميۈزلۈك يېتىلگەن 21 ئەسىردىكى باشلانغۇچ مائارىپ ئىسلاھاتىنىڭ تەلىپىگە ماس كېلىدىغان، يېڭىلىق يارىتىش روھىغا ۋە ساپا مائارىپى بويىچە تەربىيىلەش ئىقتىدارىغا ئىگە بولغان باشلانغۇچ مەكتەپلەردە ئوقۇتقۇچىلىق قىلالايدىغان يۇقىرى دەرىجىلىك كەسپى خادىملارنى تەربىيىلەشنى مەقسەت قىلىدۇ.
ئىشقا ئورۇنلىشىش نىشانى: ئوقۇش پۈتتۈرگەندىن كېيىن ئاساسلىقى باشلانغۇچ مەكتەپتە ئوقۇتقۇچى بولىدۇ ياكى باشلانغۇچ مائارىپى تەتقىقات ئورۇنلىرىدا خىزمەت قىلىدۇ